“Qarabağ”ın “Trabzonspor”dan ayrılan Benqali-Fode Koyta ilə anlaşdığı barədə məlumat vermişdik.
İdmanxeber.az-ın məlumatına görə, qvineyalı forvard özü bu barədə “mən “Qarabağ”a gəlirəm” – açıqlaması verib.
Ağdam klubunun mətbuat xidmətinin rəhbəri Gündüz Abbaszadə saytımıza açıqlamasında bunlar dedi:
“Bu transferlə bağlı hələ rəsmi heç bir qərar yoxdu”.
Benqali-Fode Koyta peşəkar karyerasına Fransanın “Monpelye” klubunda başlayıb. O, “Lans” və “Le Havre”də icarə əsasında oynayıb. 2013-cü ildə “Kann” klubuna keçib. 2 il burada oynadıqdan sonra İngiltərə “Bləkbörn”ünə transfer olunur.
2016-ci ildə isə Koyta Türkiyənin “Kasımpaşa” klubuna keçir. Burada 5 il çıxış edir və 100 oyuna 27 qol vurur. Ötən il isə o, “Trabzonspor” transfer olunub. Trabzonluların heyətində Koyta 17 oyuna 14 qol vurmağı bacarır.