24 Yanvar 2020
Premyer Liqa

“Qarabağ”dan möhtəşəm seriya

“Qarabağ” Topaz Premyer Liqanın cari mövsümündə keçirdiyi 5-ci ev oyununda da quru hesablı qələbə qazanıb.

İdmanxeber.com-un məlumatına görə, XII turda “Kəpəz”i 1:0 hesabı ilə məğlub edən Ağdam klubu öz meydanındakı üç seriyasını davam etdirib.

10 oyundur öz meydanında qol buraxmayan Qurban Qurbanovun komandası martın 30-da keçirilən “Rəvan”la matçdan (5:1) sonra qonaqlara qol sevinci yaşatmır. Bu, klubun tarixində ən uğurlu seriyadır.

Ardıcıl 14-cü ev qələbəsini qazanan “Qarabağ”ın öz meydanındakı son xal itkisi 2015-ci il dekabrın 19-na təsadüf edib. Həmin gün əyalət klubu “Qəbələ” ilə heç-heçə edib – 1:1.

2015-ci fevralın 28-də “Qəbələ”yə 0:1 hesabı ilə uduzan ağdamlılar 28 oyundur evdə məğlubiyyət acısı yaşamır.

Oxşar xəbərlər

“İnter” “Palermo” səfərində büdrədi (VİDEO)

admin

Mustafa Dənizli narazı qaldı

admin

Premyer Liqamızda II tur: Bugünkü oyunlara baxmağın yolu – TV AFİŞA

admin