Kateqoriyasız

“Qarabağ”ı tək biz yox, digər komandalar da məğlub edə bilmir”

“Səbail”in baş məşqçisi Aftandil Hacıyev Azərbaycan Premyer Liqasının IX turunda “Qarabağ”la matçdan (0:1) sonra fikirlərini bildirib.

O, məğlubiyyəti belə şərh edib:

“Maraqlı oyun alındı. Birinci dövrədə böyük hesabla uduzmuşduq. Bu gün isə hər iki kollektiv qələbə qazana bilərdi. İlk yarıda qol epizodlarımız oldu. Son ötürmələrdə dəqiqlik yox idi. Bu isə bizi narahat edir. “Qarabağ” kimi rəqibə qarşı belə mübarizə aparmaq müsbət haldı. İkinci dövrədə xal qazana bilmirik və bu, bizi razı sala bilməz. Matçı unudub, növbəti görüşə hazırlaşmalıyıq”.

38 yaşlı mütəxəssis bildirib ki, meydana qələbə üçün çıxmışdılar: “Bir xal bizim üçün yaxşı olardı. Çalışdıq, əziyyət çəkdik. “Qarabağ”ı tək biz yox, digər komandalar da məğlub edə bilmir. Bu, rəqibin səviyyəsindən xəbər verir”.

Məşqçi hücumçusu Mirabdulla Abbasov barədə də danışıb: “Onu taktiki gedişə görə start heyətdə meydana buraxmadıq. “Qarabağ”ın hücumlarının qarşısında tab gətirmək Maykl Essyen üçün də çətin idi”.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43