“Yaxşı oyun oldu. Əsas qələbə qazanmaq idi ki, sonda da sevinən tərəf biz olduq. Qarşıda bizi Portuqaliya ilə oyun gözləyir. Çətin oyun olacaq”.
Bu sözləri idmanxeber.com-a açıqlamasında Azərbaycanın 21 yaşılılarından ibarət milli komandasının futbolçusu Şəhriyar Əliyev deyib.
İsrail üzərindəki inamlı qələbədən (3:0) danışan “Qarabağ”ın futbolçusu sentyabrın 9-da baş tutacaq Portuqaliya ilə oyuna da toxunub:
“Portuqaliyanın necə bir komanda olduğunu hər kəs bilir. Çalışacağıq ki, buradan da qələbə ilə vətənə dönək. Yaxşı hazırlaşmışıq və sərfəli nəticə qazanmağa çalışacağıq”.