Kateqoriyasız

Qarabağ”ın xal itkisinə fikir verməmişdik” – Samir Abasov

Azərbaycan Premyer Liqasında XVI turun “Neftçi” – “Qəbələ” (1:0) oyunundan sonra keçirilən mətbuat konfransında meydan sahiblərinin baş məşqçisi Samir Abasov jurnalistlərin suallarını cavablandırıb.

O, əvvəlcə matç barədə fikirlərini bildirib:

– İtkilərimiz çox idi. 4 futbolçumuz cəza səbəbindən oynaya bilmirdi. Üstəlik, Sabiq Buqrin də məşqdə zədələnmişdi. Buna baxmayaraq, öhdəsindən gəldik, qələbə qazana bildik. 3-4 gün sonra “Zirə”yə qarşı çətin oyunumuz var. Həmin matça köklənməliyik. Qarşıdakı görüşdə rotasiyalar etmək imkanımız olacaq. Bu görüşü yaddan çıxarmalıyıq. Yaxşı oynamadıq. Xüsusilə, ilk hissədə. Rəqib bizə çətin anlar yaşatdı. “Qəbələ”ni belə oyuna görə təbrik etmək istəyirəm.

– Dünən “Qarabağ”ın xal itkirməsi bu oyunda sizə necəsə təsir etmişdimi?
– Xeyr. Bəlkə də, tam heyət olsaydıq, hansısa təsir ola bilərdi. Baxmayarq ki, “Qarabağ”a qalib gəlib 1-ci yerə çıxmışıq. uşaqlarda narahatlıq var idi. Hava şəraiti, belə vəziyyətdə meydanın durumu, heyət problemləri kimi porblemlərimiz var idi. Çətin vəziyyətə düşsək, ehtiyatda arxalanacağımız kimsə yox idi. Yəni “Qarabağ”ın xal itkisinə fikir verməmişdik. Oyunçu azlığı tək məşqçilər heyətinə yox, futbolçulara da təsir etmişdi.

– “Qəbələ”nin baş məşqçisi Elmar Baxşıyev dedi ki, nəticə ədalətsizdi…
– Onunla tamamilə razıyam. Bir zərbə vurursan və oyunu udursan. Biz də kubokda bununla üzləşmişdik. Biz baş məşqçi kimi özümü onun yerinə qoya bilirəm. Bəlkə də, ədalətli nəticə heç-heçə idi. Ancaq bu gün sevinən tərəf biz olduq.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Oxşar xəbərlər

“Qarabağ”la oyun öncəsi APOEL-də yeni müqavilə

admin

UEFA avqustun 3-nə qədər AFFA-ya vaxt verdi

admin

“Qarabağ” Çexiya klubu ilə qarşılaşacaq

admin