“Bakı” qış fasiləsindən istifadə edərək İspaniyanın Marbela şəhərində toplanışa başlayıb. Baş məşqçi Milinko Pantiçin rəhbırliyi altında Guadalmina Otelinin çimərliyində keçirilən məşq bir saat davam edib. Fiziki və taktiki çalışmalardan ibarət olan məşq baş məşqçinin yeni koməkçisi David Ulloa Qarsiyanın futbolçulara təqdimatı ilə başlayıb. Komanda növbəti məşqini bu gün Bakı vaxtı ilə saat 13:00 da keçirəcək.