Kateqoriyasız

“Qəbələ” “Panatinaikos”la oyuna Bakıda hazırlaşır

Avropa Liqasının pley-off mərhələsində Yunanıstanın “Panatinaikos” klubu ilə qarşılaşacaq “Qəbələ” ilk oyunun hazırlıqlarını davam etdirir.

İdmanxeber.com-un klubun rəsmi saytına istinadən verdiyi məlumata görə, “qırmızı-qaralar” avqustun 20-də Bakıda baş tutacaq qarşılaşmaya paytaxtda hazırlaşır.

Komanda Azərbaycan Premyer Liqasının II turunda AZAL-la keçirilən oyundan (2:0) sonra məşqlərinə ara verməyib. Zədəli futbolçular artıq komandanın hazırlıqlarına qoşulduğundan “Qəbələ” tam heyətlə məşq keçib. Gündə bir dəfə məşq edən Roman Qriqorçukun komandası hazırlıq prosesində əsasən toplu çalışmalara üstünlük verir.

Qeyd edək ki, avqustun 20-də 8-ci km qəsəbə stadionunda keçiriləcək “Qəbələ” – “Panatinaikos” oyunu saat 21:00-da başlayacaq.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43