2014/2015 mövsümünün ikinci yarısının hazırlıqlarını Türkiyənin Antalya şəhərində davam etdirən “Qəbələ” 2 günlük fasilədən sonra məşq prosesini bərpa edib.
İdmanxeber.com-un klubun saytına istinadən yaydığı xəbərə görə, toplanışın ikinci mərhələsinin ilk gününü komanda 1 məşqlə yekunlaşdırıb. Roman Qriqorçukun rəhbərliyi altında baş tutan axşam məşqində komanda əsasən toplu çalışmalar və müxtəlif fiziki təmrinlər yerinə yetirib.