U-19 Liqasında 2016-2017-ci illər mövsümünə yekun vurulub.
“Qəbələ” 33-cü turun qarşılaşmasında “Şərurspor” üzərində texniki qələbə qazanıb. Rəqib komanda yarışda çıxışını dayandırdığından, “qırmızı-qaralar” meydana çıxmadan 3 xal əldə edib – +:- (3:0). Bu, “Qəbələ”nin mövsümdə 24-cü qələbəsi olub. Hesabında 6 heç-heçə və 3 məğlubiyyət olan “Qəbələ” 78 xalla çempionatı 2-ci pillədə başa vurub. Gümüş medallara yiyələnən “qırmızı-qaralar” yarışda 107 qol vurub, 22-ni buraxıb. Turnirdə isə “Qarabağ” qalib olub.
Bu, “Qəbələ”nin futbol akademiyasının cari mövsümdə liqalarda qazandığı 8-ci mükafat olub. Bunadək U-16, U-15, U-13, U-12, U-11 qızıl, U-14 və U-10 bürünc medallara yiyələnib.