“Qəbələ”nin Avroliqanın qrup mərhələsindəki rəqiblərindən “Anderlext” heyətini gücləndirib.
İdmanxeber.com-un məlumatına görə, “bənövşəyilər” rumıniyalı oyunçu Nikolae Stansiunu transfer edib.
“Styaua”dan alınan hücumameyilli yarımmüdafiəçi üçün 10 milyon avro ödənib.
Qeyd edək ki, 2013-cü ildən Buxarest təmsilçisinin heyətində çıxış edən 23 yaşlı oyunçu bu müddətdə 90 oyunda meydana çıxıb və 24 qol vurub. O, Rumıniya millisi ilə də 7 matçda fora geyinib və 4 dəfə rəqib qapıçıları məyus edib.(apasport)