• Ana səhifə
  • Müsahibə
  • Qriqorçuk: “PAOK-la görüşdəki qələbə bizim üçün önəmli olacaq” (MÜSAHİBƏ)
Müsahibə

Qriqorçuk: “PAOK-la görüşdəki qələbə bizim üçün önəmli olacaq” (MÜSAHİBƏ)

“Qəbələ”nin baş məşqçisi Roman Qriqorçuk Avropa Liqasının qrup mərhələsində sabah qarşılaşacaqları PAOK-la oyun haqda danışıb.
 
İdmanxeber.com xəbər verir ki, ukraynalı mütəxəssis  keçirilən mətbuat konfransında jurnalistlərin suallarını cavablandırıb.
 
– “Krasnodar”la oyundan bir gün öncə də yağış yağmışdı. Bu sizi narahat etmir?
– Bu, məni ən az narahat edən məsələdir. Eləcə də Antonovu narahat etmir. Bu, bizim üçün problem deyil.
 
– “Qəbələ” Salonikiyə zədəli futbolçularla gəlib. Hazırda zədəli futbolçularda vəziyyət necədir?
– Dododan başqa bütün futbolçular məşq edirlər. Sadəcə nəzərə almaq lazımdır ki, iki-üç aydan sonra məşqlərə başlayıblar. Bu isə o deməkdir ki, həmin futbolçular optimal formadan uzaqdırlar. Biz yenə də risk edib onlardan bəzilərini əsas heyətə daxil edəcəyik.
 
– Yunan klublar cari mövsüm Qriqorçukun komandası ilə bacarmır. Sabahkı görüşdə komandanız bu seriyanı davam etdirə biləcək?
– Əlbəttə. Biz sabah ideal oyun sərgiləməyə çalışacağıq. Mən hər hansı bir seriya haqda danışmağı sevmirəm. PAOK-la oyun çətin olacaq. Ancaq istərdim ki, bu seriyanı davam etdirək.
 
– Qrupda elə vəziyyət yaranıb ki, “Qəbələ” sabah mütləq qələbə qazanmalıdır…
– Qrupdan çıxmaq şansımız özümüzdən asılı deyil. “Krasnodar” – “Borussiya” (Dortmund) matçında istədiyimiz nəticə qeydə olsa, o zaman PAOK-la görüşdəki qələbə bizim üçün önəmli olacaq. Təbii ki, istərdik ki, Rusiyada istədiyimiz nəticə olsun.
 
– Qrup mərhələsindəki çıxış “Qəbələ”yə, sizə və Azərbaycan futboluna nə verdi və nə itirdiniz?
– Böyük təcrübə qazandırdı. Hansı ki, irəlidə bu, bizə çox lazım olacaq. Biz də çalışırıq ki, daha da irəliləyək. Yaxşı olardı ki, qrup səddini də aşaq. “Qarabağ”a da uğurlar arzulayıram. Ümid edirəm ki, bu klub pley-off mərhələsinə vəsiqə qazanacaq. Nə itirdiyimə gəlincə, vacib xallar itirdik. Hansı ki, bu xalları qazanmağa layiq idik. Biz şikayətlənmirik. Əgər sabahkı görüşlərdən sonra qrupdan çıxmaq şansımız qalsa, bu, mənim üçün böyük hadisə olar. Bu hissi daha öncə yaşamışam. Yenidən yaşamaq istərdim.
 
– PAOK-dan transfer olunan Fakunda Pereyranın sabahkı görüşdə olmaması sizi planlarınızı nə dərəcədə pozur?
– Əlbəttə, nəzərə alsaq ki, zədəli futbolçularımız var və onlar oyuna tam hazır deyillər. Bu səbəbdən Pereyranın yoxluğu bizim üçün ciddi itkidir. Ancaq PAOK-la öncədən danışığımız belə olub. Ona görə də bu anlaşmaya riayət etmək məcburiyyətindəyik.
 
– “Borussiya”nın sabah “Krasnodar”la görüşdə əsas heyətlə oynamayacağı gözlənilir. Komandanız “Borussiya”nın vəziyyətində olsaydı, əsas, yoxsa ikinci heyətə şans verərdiniz?
– “Borussiya”nın vəziyyətində olmaq mənim üçün xoş olar. Ancaq futbolçuları əsas və ehtiyat oyunçulara ayırmaq istəmirəm. Sadəcə, əvvəlki oyunlarla müqayisədə nisbətən az forma şansı qazanan futbolçular meydana çıxacaq. Əgər mən də belə vəziyyətlə üzləşsəydim, müəyyən qədər daha az oynamaq şansı qazanan futbolçuları meydana buraxardım.
 
– Bu oyunda qələbəyə çox inanırsınız? Bu nədən irəli gəlir?
– Biz qələbəyə daha istəkliyik və buna inanırıq. Bu, PAOK-un son zamanlardakı uğursuz çıxışı ilə əlaqədar deyil. Sadəcə komanda olaraq qələbəyə köklənmişik. (qol.az)

İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Oxşar xəbərlər

“Bir anlıq özümü onların yerinə qoydum və belə bir hörmətsizliklə özümün üzləşdiyimi təsəvvür etdim” – MÜSAHİBƏ

admin

Qay: “Buna görə də Bakıda maşın idarə edərkən hər zaman diqqətli olmalısan” (MÜSAHİBƏ)

admin

“Qarabağ”ın futbolçusu qrup mərhələsindəki rəqiblərindən danışdı, “Bakı” ilə matça toxundu: “Yerdə yıxılıb vaxt aparmasaydılar daha yaxşı olardı” – (MÜSAHİBƏ)

admin