Çempionlar Liqasının 1/8 final mərhələsində "Atletiko" səfərdə "Bayer"i 4:2 hesabı ilə məğlub edib. Sözügedən matç Madrid klubunun hücumçusu Antuan Qrizmann üçün əlamətdar olub.
İdmanxeber.com-un məlumatına görə, fransalı hücumçu "Atletiko"nun Çempionlar Liqasında ən çox qol vuran oyunçusu olub.
Dünənki oyunda fərqlənən 25 yaşlı forvard turnirdə 13-cü qolunu vurub. Bununla da o, Luis Araqonesi (12) qabaqlayıb.
Qeyd edək ki, Qrizmann cari mövsüm ÇL-də 7 oyuna 4 qol vurub.