Futzal üzrə dünya çempionatının pley-off mərhələsində keçirilmiş Azərbaycan və Hollandiya yığmaları arasındakı cavab oyunundan (4:4, ilk oyun 5:1) sonra millimizin baş məşqçisi Tino Peres fikirlərini bölüşüb.
İdmanxeber.com-un məlumatına görə, ispaniyalı mütəxəssis bunları söyləyib:
“Dünya çempionatına vəsiqə qazanmağımız münasibətilə hər kəsi təbrik edirəm. Bu gün yaxşı oynamadıq. Nəticənin bu cür alınmasında Hollandiyada qazandığımız qələbənin də təsiri oldu. Həmin hesab uşaqlarda istər-istəməz arxayınlıq yaratmışdı. Buna baxmayaraq, qarşıya qoyulan hədəfə çatdıq. Dünya çempionatındakı şanslarımız haqda danışmaq tezdir. Bu, püşkdən də asılıdır. Qrupdan çıxa bilsək, bu bizim üçün uğur olacaq”.