18 Oktyabr 2021
Kateqoriyasız

Qurban Qurbanov – 48!

Bu gün “Qarabağ”ın baş məşqçisi Qurban Qurbanov üçün əlamətar gündü. Ölkə futbolunun ən uğurlu simalarından biri, məşqçi kimi bir çox ilklərə imza atan mütəxəssisin 48 yaşı tamam olur.

 

Futbolçu kimi Azərbaycan millisinin ən yaxşı bombardiri olan Qurbanovun məşqçilik karyerası daha parlaqdı. İlk iş yeri olan “Neftçi”də ölkə çempionatının gümüş medalına yiyələnən mütəxəssis komanda ilə UEFA kubokunda çıxış edib. Onun sonrakı uğurları isə “Qarabağ”la bağlıdı. Əvvəlcə 2009-cu ildə Ağdam klubu ilə ölkə kubokunu qazanan Qurbanov daha sonra bu kolleksiyaya daha ikisini əlavə etdi. Mütəxəssis kubokdan əlavə, komandanı ardıcıl 6 dəfə Azərbaycan çempionluğuna daşıyıb.

 

Qitəmiqyaslı yarışlarda da uğurları sıralayan Qurbanov ardıcıl 3 dəfə komandasını Avropa Liqasının qrup mərhələsinə yüksəltdi. 2017/18 mövsümündə isə təcrübəli mütəxəssis “Qarabağ”la Çempionlar Liqasının qrup mərhələsinə vəsiqə qazanmaqla ölkə futbolunda yeni tarix yazdı. Onun komandası Avropa Liqasının 2018/19 və 2019/20  mövsümlərində də qrup mərhələsində oynamaqla qitəmiqyaslı yarışların əsas mərhələsində mübarizə aparmaq ənənəsini pozmadı.

 

Qurban Qurbanovtu təbrik edir, ona bundan sonrakı həyatında və karyerasında uğurlar arzulayırıq.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Oxşar xəbərlər

“Qəbələ”nin legioneri nikbindi: “Şanslar bərabərdi”

admin

Zirvədə heç-heçə, “Qəbələ” qalib gəldi – Yenilənib

admin

“Belə sürətli futbolçulara qarşı istər-istəməz səhvlər olur” – Qurbanov

admin