Bu gün Azərbayca Premye Liqasının 17-ci turu çərçivəsində keçirilən “Qarabağ” – “Zirə” matçında ev sahibi komanda 2:0 hesabı ilə qalib gəlib.
İdmanxeber.com-un məlumatına görə, matçdan sonra keçirilən mətbuat konfransında “Qarabağ”ın baş məşqçisi Qurban Qurbanov jurnalistlərin suallarını cavablandırıb.
– Çox vacib qələbə qazandıq. Çatışmazlıqlarımız var idi. Bunları normal qəbul edirdim. Optimal formamızdan uzaqığ. Amma futbolçular topla yaxşı davranırdı. “Zirə” düzgün müdafiə olunurdu. Amma düşündüyümüz kimi alındı. 2 vacib qolla qalib gəldik.
– Reynaldo komandadan ayrıldı. Dani Kintana da zədələndi. Çempionluq yolunda bunun sizə necə təsiri olacaq?
– Belə oyunçunu itirmək o qədər də yaxşı hal deyil. Amma bu futboldur. Hər bir oyunçunun başına gələ bilər. Digər futbolçularıma güvənirəm. Düşünürəm ki, oyunu hiss etməkdə çətinlik çəkməyəcəyik.
– Növbəti turda “Kəpəz”lə qarşılaşacaqsız. Gəncə stadionunun ot örtüyü bərbaddır. Bununla bağlı hər hansı bir təklifiniz olarmı?
– Bununla barışacağıq. Belə bir təklif etməyimiz düzgün çıxmazdı. Çalışacağıq ki, oyunumuzu oynayaq və qalib gələk.
– AZAL-la və “Neftçi” ilə oyunda hakim səhvləri ictimaiyyət tərəfindən birmənalı qarşılaşnmadı. Sizcə, bunları “Qarabağ”ı gözdən salmaq üçünmü edirlər?
– Düşünmürəm ki, Azərbaycanda kimsə “Qarabağ”ı gözdən salsın. Mən həmişə çalışıram ki, komandada düzgün çalışım. Hər kəs öz fikrini deyə bilər ki, hakim səhvi oldu və s. Belə açıqlamalara fikir vermirəm.
– Rəşad Sadıqovun durumu nə yerdədir?
– Rəşadın 15 illik futbol təcrübəsi var. Düşünürəm ki, o, 3-4 ay onamasa belə, praktika tərəfdən problemi oynamayacaq və istənilən vaxt çıxıb, oynaya bilər.
– “Qəbələ” ilə oyun “Qarabağ” üçün həlledici sayıla bilərmi?
– Belə olacağını düşünmürəm. Xallar da itirə bilərik. “Qəbələ”yə məğlubiyyət və ya heç-heçə bizim üçün heç bir çətinlik yarada bilməz. Qarşıdan hələ çoxlu oyunlar var. Düşünürəm ki, bu marafon son turadək davam edəcək.