“Qarabağ”ın baş məşqçisi Qurban Qurbanov ölkə kubokunda finala yüksəlmələri haqda danışıb.
İdmanxeber.com-un məlumatına görə, təcrübəli mütəxəssis deyib:
“Komandamı, futbolçularımı, rəhbərliyi və azarkeşlərimizi final mərhələsinə vəsiqə qazanmağımız münasibətiylə təbrik edirəm. Minimum məqsədimiz finala vəsiqə qazanmaq idi. Stadionun rəhbərliyinə təşəkkür edirəm. Sağ olsunlar bizə belə bir şərait yaratdılar. Mayın 11-də “Qəbələ” ilə matçı da bu stadionda keçirəcəyik. Qarşıda çempionat oyunlarımız var, həmin qarşılaşmalara hazırlaşmalıyıq”.