“Bizi bu oyunda ancaq qələbə lider edəcəkdi və şükürlər olsun ki, belə də oldu. Futbolçularımı təbrik edirəm”.
İdmanxeber.az-ın məlumatına görə, bu sözləri “Qarabağ”ın baş məşqçisi Qurban Qurbanov “Sumqayıt”la oyundan sonra keçirilən mətbuat konfransında deyib.
Təcrübəli çalışdırıcı bu mövsüm 3-cü oyunda da 6 qolla qələbə qazanmalarını belə şərh edib:
“Futbolda bəzən belə oyunlar olur. Bu o demək deyil ki, hər oyun belə olacaq. Komanda nizam-intizamı qorudu və yaxşı nəticə qazandıq”.
Qurbanov zədəli futbolçuların “Sivasspor”la oyuna kimi hazır olmayacağını bildirib:
“Maksim və Rahil başqa ölkədə karantinə alınıb. Bədavi Hüseynov ola bilər ki, hazır olsun. Abbas Hüseynov və Patrik Andrade isə ayın axırına kimi bizə kömək edə bilməyəcək”.