İngiltərənin “Mançester Siti” komandasının baş məşqçisi Xosep Qvardiola yetirmələrinin daha çox bir-biri ilə ünsiyyətdə olması üçün maraqlı qərar qəbul edib.
İdmanxeber.com-un məlumatına görə, ispaniyalı çalışdırıcı futbolçularına klubun bazasında internetə daxil olmaq və 4G mobil rabitə xidmətindən istifadəyə qadağa qoyub.
Klubun 31 yaşlı argentinalı müdafiəçisi Pablo Zabalete faktı təsdiqləyib: “Biz bazaya gələndə internet kəsilir. Qvardiola Wi fi və 4G bağlantılarını əngəlləyən sistem qurdurub. Ancaq mən həyatımdan razıyam. Qvardiola möhtəşəm məşqçidir”.