17 Avqust 2022
Kateqoriyasız

Rəcəbov bu gün liderlə qarşılaşacaq

Azərbaycanlı şahmatçı Teymur Rəcəbov İspaniyanın paytaxtı Madriddə təşkil olunan İddiaçılar Turnirində bu gün növbəti görüşünü keçirəcək.

İdmanxeber.az xəbər verir ki, 35 yaşlı qrossmeyster 10-cu turda qara fiqurlarla FİDE bayrağı altında yarışan rusiyalı Yan Nepomnyaşi ilə qarşılaşacaq. Görüş saat 17:00-da başlayacaq.

Rəcəbov əvvəlki oyunlarında Alireza Firuzca (Fransa) ilə 2 dəfə, Nepomnyaşi (Rusiya), Yan-Kşiştof Duda (Polşa), Dinq Liren (Çin) və Rixard Rapport (Macarıstan) ilə 1 dəfə heç-heçə edib. Hikaru Nakamura və Fabiano Karuanaya (hər ikisi ABŞ) uduzan Rəcəbov yeganə qələbəsini son turda Nakamura üzərində qazanıb.

9 turdan sonra aktivində 4 xal olan Rəcəbov Rapport və Firuzca ilə birlikdə 5 – 7-ci yerləri bölüşdürür. Nepomnyaşi isə 6,5 xalla turnir cədvəlinə başçılıq edir.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Related posts

“Qarabağ” bu mövsüm möhtəşəmdi” – Samir Abasov

admin

Millinin Tovuzda toplanışı olacaq

admin

TV AFİŞA: Hansı oyun, hansı kanalda?

admin