– Aleksey İsayev nə üçün sifariş edilməmişdi?
– Klubla razılaşanda belə danışıq olmuşdu ki, kubokda “Sabah”a qarşı oynamasın.
– Çempionatda ən güclü rəqiblərinizdən birinə 7:1 hesabı ilə qalib gəldiniz. Bu, çempionatın səviyyəsini göstərir?
– Xeyr. Mövsüm ərzində istənilən çempionatda belə nəticələr olur. Rahatlaşmalı deyilik, oyunumuzu daha yaxşılaşdırmalıyıq. Hər rəqibə qarşı ciddi yanaşırıq. Çempionatı rahat düşünsək, bizimçün çətin ola bilər. Belə düşüncəmiz yoxdur.
– Oyunun tempini aşağı salmadınız. Komandanı “Braqa”ya doğru hazırladığınızı demək olar?
– Hər il tempi saxlamaq istəyirik. Bəzən rəqib də səni buna məcbur edir. Açıq futbolda dinamikanı qorumaq olur. Sevindirici haldır ki, futbolçularda istək var, tempi saxlamaq istəyirlər. Ümumən, indi sırf çempionat haqda düşünürük. “Braqa” intizamlı, səliqəli, sürətli oynayır. Onlarla oyunda müdafiədə də sürətli olmalı ola bilərik. Hələki komandamdan daha yaxşısını istəyirəm. Futbolçuların buna potensialı var.
– Zubir bu gün “10 nömrə” mövqeyində effektiv göründü…
– Zubirdən həmişə “10 nömrə” kimi tələblərim olur. Bu gün də texnikası, ustalığı önə çıxdı.
– Mateus Silvanı bu gün müdafiənin mərkəzində oynatdınız. Onu gələcəkdə bu mövqe üçün düşünürsünüz?
– İnşallah, problem yaranmaz. Bəzi oyunçularda bu potensialı görəndə lazım olanda istifadə edə bilirsən. Silva da onlardan biridir. Onun mərkəz müdafiəçisi kimi oynamağı maraqlı idi. Bir oyunla nəsə demək olmaz. Lazım olanda istifadə edə bilərik. Sanki bu bacarıq onda var. Sağ və sol müdafiəçiləri hücuma daha çox çıxır. Onlar mərkəzdə oynasa, bu istəkləri çətinlik yarada bilər.
– Diakabi haqda nə düşünürsüz? İşıq görürsünüz?
– Onun keyfiyyətinə şübhəmiz yoxdur. Mikro zədələri çox olurdu. Bu, onu geri salırdı. İndi sağlam formada qayıdıb. Həkimlər onunla daim əlaqədə olurdu. Yanvardan sonra hələki problemimiz olmayıb və hiss edilir ki, formasını saxlayıb. Tempdə qalsa, inşallah, daha faydalı ola bilər. Yaxşı vaxtlarında futboldan, məşqdən uzaq qalmaq onunçün çətin idi.