Slovakiya çempionatında XXV turun oyunları keçirilir.
İdmanxeber.com-un məlumatına görə, bu tur çərçivəsində millimizin üzvü Ramil Şeydayevin şərəfini qoruduğu “Jilina” doğma meydan matçına çıxıb. Komanda “Presov”u qəbul edib. Görüş yığmamızın futbolçusunun klubunun qələbəsi ilə başa çatıb – 3:0.
Ramil oyuna ehtiyat oyunçular skamiyasında başlayıb və 62-cı dəqiqədə (komandası 1:0 hesabı ilə öndə olan zaman – red) oyuna daxil olub. Onun oyuna daxil olmasından 12 dəqiqə sonra “Jilina” hesab arasındakı fərqi artırıb. 79-cu dəqiqədə isə Ramil qarşılaşmada son nöqtəni qoyub.
Bu, Şeydayevin “Jilina”dakı ilk qolu olub.
Qeyd edək ki, “Jilina” 55 xalla turnir cədvəlində liderdir.