“Xəzər Lənkəran”ın futbolçusu Rasim Ramaldanovun idmanxeber.com saytına müsahibəsi.
– “Bakı”ya məğlubiyyəti gözləyirdinmi?
– Gölənilməz hesab oldu. Başa düşə bilmədim, necə oldu ki, 3:0 uduzduq.
– İlk hissə qolsuz başa çatdı. Toşak fasilədə sizə nə dedi?
– Heçnə demədi. Həqiqətən komanda pis oynadı və uduzduq.
– Toşakın gedəcəyi artıq bəlli idi? Ətraflı məlumat verərdin…
– Uduzanda heç kimin kefi yox idi. Hamı başı aşağı oturmuşdu və Toşak da bir söz demədi. Heç kimin danışmağa sözü yox idi.
– Sizinlə sağollaşmadan getdi? Sağollaşanda nə dedi?
– Bilmirəm, bəlkə də sağollaşdı, amma mən sağollaşmağın görmədim. Ancaq bəlkə hələ sağollaşacaq (gülür).
– Bəs klub rəhbərliyi sizə nə dedi?
– Qardaşım, belə qalmaqallı sual vermə də… (gülür).
– Bu yenilgidən sonra nəyə ümid edirsiz? Çempionluq əldən gedir…
– Biz də çox ağır vəziyyətdəyik. İndi ürək-dirək lazımdır ki, komanda bu vəziyyətdən çıxsın. Mən hələ ümidlərimi üzməmişəm. Qarşıda çox oyun var.