16 Sentyabr 2019
Müsahibə

Rauf Əliyev: “Bakı” bu məsələdə son nöqtəni qoyacaq” – MÜSAHİBƏ

“Bakı” klubunun hücumçusu Rauf Əliyevin müsahibəsi

– Topaz Premyer Liqasının startına 1 ay qalsa da, karyeranızı harada davam etdirəcəyiniz bilinmir…  

– Hansı klubda oynayacağıma dair qərar verməyim məndən asılı deyil. Hər şey “Bakı” rəhbərliyinin səlahiyyətindədir. Komandadan cavab gözləyirik.

– Bu barədə klub rəhbərliyindən kiminlə söhbət etmisiniz?

– Komandada bircə Yaşar Seyidov qalıb. Onunla görüşüb, söhbət edirik. Heç o da futbolçulara nə cavab verəcəyini bilmir. Bizə nə deyəcək? Pullarımızı istəyirik. Amma ortada bir şey yoxdur.

– Yaşar Seyidov az öncə saytımıza açıqlamasında üzləşdikləri problemin yaxın günlərdə həll olunacağını bildirmişdi…

– Mən  klubda həll edilən problem görməmişəm. Əvvəlki problemlər yenə də qalır.

– Bəs nə vaxtadək gözləmək fikrindəsiniz?

– 2 gün. Bundan sonra konkret addım atmaq lazımdır. Çempionatın başlamasına cəmi bir ay qalıb, amma hələ də nə edəcəyimizi bilmirik.

– “Bakı” paytaxtda təlim-məşq toplanışına start verib. Digər komanda yoldaşlarınız məşqlərə getsə də, siz, Əfran İsmayılov və Cavid Hüseynov komandadan ayrısınız…

– Məşqlərə ancaq gənc futbolçular qatılıb. Bir də bəzi legionerlər. Gedib bazada məşq edirlər. Əfran, Cavid və mən getmirik. Çünki gedib nə edəcəyik?

– Dediniz ki, gənc futbolçular və legionerlər məşq edir. Onlar da maaş almırlar, amma komandandadırlar. Siz niyə getmirsiniz?

– Çünki legionerlər müqavilələrini fikirləşirlər. Düşünürlər ki, gəlməsələr, “Bakı” FİFA-ya şikayət edib, onları cəzalandıra bilər.

– Sizin müqaviləniz yoxdur?

– Onların müqaviləsi ayrı, bizimki ayrı. Bizdə FİFA müqaviləsi deyil.

– Baş məşqçi Milinko Pantiç sizi komandada saxlamaq istədiyini bildirib…

– Onun deməyi və ya istəyi ilə deyil ki? Necə oynayım? Pulsuz futbolçu oynayar? Pantiç mənə öz cibindən pul verəcək?

– Hazırda onun köməkçiləri Bakıdadır. Komandanı onlar bir yerə toplayıblar. Sizi çağırmadılar?

– Özləri də vəziyyəti başa düşürlər. Heç kim bizi axtarmır.

– “Xəzər Lənkəran”a keçmək ehtimalınız nə qədərdir?

– Onlarla danışmışam. Amma “Bakı” bu məsələdə son nöqtəni qoyacaq. Çox güman ki, iki gündən sonra hər şeyə aydınlıq gələcək.

– Əgər komanda pulunuzu verməsə və sizi başqa kluba buraxmasa, necə olacaq?

– Bir yol tapıb, həll edərik. Hələ ki, səbr edirəm. Artıq vaxtımız azalır. İki gün də dözməliyəm. Ondan sonra çalışacağam ki, transfer vərəqmi alım.

apasport.az

Oxşar xəbərlər

Baçana Sxadadze: “Mən futbol meydançasında belə hava görməmişdim” – MÜSAHİBƏ

admin

Ernest Nfor: “Açığı azarkeşlərin sayının az olması məni təəssüfləndirir” – MÜSAHİBƏ

admin

Oğuz Çətin sərt tənqid etdi: “Mənim baş məşqçi kimi işləməyimi istəmədi”

admin