“Real” “Torino”nun futbolçusu Andrea Belottini transfer etmək niyyətindədir.
İdmanxeber.com-un məlumatına görə, “Torino”nun prezidenti Urbano Kayro ilə Florentino Perezin əla münasibətləri var və bu da futbolçunun transferinin reallaşmasına yardımçı olacaq.
Xatırladaq ki, “Real” Belottini transfer etmək üçün “Torino”ya 100 milyon avro təzminat ödəməlidir.
Qeyd edək ki, futbolçu cari mövsüm “Torino”nun heyətində bütün yarışlar daxil olmaqla 23 görüşdə iştirak edib və 17 qol vurub.