Dünyadan

“Real”ın daha bir ulduz futbolçusu İtaliyaya üz tutur?

Kriştiano Ronaldodan sonra “Real”ın daha bir ulduzu İtaliya A Seriyasına transfer olunur.

İdmanxeber.com-un məlumatına görə, “Napoli”nin yeni baş məşqçisi Karlo Ançelotti Madrid klubunda rəhbərliyi altında oynamış Kərim Benzemanı istəyir.

İddialara görə, klub rəhbərliyi fransız ulduz üçün 45 milyon avro ödəməyə hazırdı. “Real”a rəhbərliyi dövründə Benzema ilə yaxşı müasibəti olan Ançelotti onu yeni komandasına gəlməyə razı salacağına inanır.

Qeyd edək ki, “Real” Benzemanı 2009-cu ildə “Lion”dan 35 milyon avroya alıb. Hazırda “Transfermarkt” ona 60 milyon avro qiymət qoyub. 30 yaşlı forvard Madrid klubunda 413 oyun keçirərək 192 qol vurub.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43