“Vulverhempton”da çıxış edən Azərbaycan millisinin futbolçusu Renat Dadaşov karyerasını İngiltərənin “Koventri” klubunda davam etdirə bilər.
İdmanxeber.az-ın məlumatına görə, Çempionşip təmsilçisinin baş məşqçisi Renatı komandasında görmək istəyir.
Lakin “Vulverhempton” Renatı heç bir kluba birdəfəlik satmağı düşünmür. “Canavarlar” Renatı əsas komandanın bir üzvü olaraq görür və ən yaxşı halda onu icarəyə verə bilər.
Qeyd edək ki, Renat 2019-cu ilin avqustunda keçdiyi “Vulverhempton”la 4 illik müqavilə imzalayıb.