Bu gün Azərbaycan Premyer Liqasının 20-ci turunda "Qarabağ" səfərdə "İnter"ə məğlub oldu 0:1.
İdmanxeber.com-un məlumatına görə, matçdan sonra xoşagəlməz hal yaşanıb: "Qarabağ"ın kapitanı Rəşad Sadıqov azarkeşə hücum çəkib. Belə ki, azarkeşin Rəşada söz atmasına əsəbiləşən təcrübəli kapitan bunu həzm edə bilməyib. Əsəbi halda tribunaya daxil olmaq istəyən Sadıqov "İnter" və "Qarabağ"ın futbolçuları tərəfindən fikrindən daşınıb.
