31 Yanvar 2023
Premyer Liqa

“Rəvan” – “Qarabağ”: məşqçi fikirləri

Premyer Liqasının 6-cı turunda “Rəvan”ın qonağı olan “Qarabağ” ilk hissədə hesabda geri düşsə də, oyunun sonlarına yaxın Corc Leroyun vurduğu qolla 1 xalı qazana bildi.

 

İdmanxeber.com sizi oyunsonrası məşqçi fikirləriylə tanış edir

 

Qurban Qurbanov, “Qarabağ” klubunun baş məşqçisi: “Vladislav Qədirovu “Rəvan”a baş məşqçi təyin olunması ilə təbrik edirəm. Ötən turdakı qələbə və bugünkü heç-heçə göstərir ki, komanda onun göstərişlərini uğurla yerinə yetirir. Vurduğumuz qol mənim üçün gözlənilməz oldu. Heyətlə bağlı problem olanda istədiyimiz oyunu göstərə bilmirik. Bəlkə də son 3 ayın psixoloji yorğunluğu özünü biruzə verir. Futbolçulara iradım yoxdur, qələbə üçün oynayırdılar. Alınmadı, hər şey ola bilər. Komandaya iki günlük istirahət veriləcək, Admir Teli, Nikolas Gelaşvili və Ulrix Kapolonqo milli komandaların düşərgələrindən təzə qayıdıblar”.

 

Vladislav Qədirov, “Rəvan” klubunun baş məşqçisi: “”Rəvan”da işləməyimə baxmayaraq, avrokuboklarda “Qarabağ”a azarkeşlik edirdim, Qurban Qurbanovu uğuru münasibəti ilə təbrik edirəm. “Qarabağ” çempionatımızın ən güclü komandalarından biridir. Milli komandaların oyunları ilə əlaqədar çempionatda yaranmış fasilə işimizə yaradı. Hər dəfə baxımlı oyun göstərmək olmur. Fikrimcə, komandam bu günə qədər olan ən yaxşı oyununu göstərdi”.

 


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Related posts

Gəncədə heyətlər müəyyənləşdi

admin

“Qarabağ” qələbə qazandı, “Qəbələ” və “Neftçi” uduzdu – YENİLƏNİB

admin

“Azersun Arena”da bərabərlik (YENİLƏNİR)

admin