Ölkə futbolu

“Rəvan”dan növbəti transfer

Transfer çalışmalarını davam etdirən "Rəvan” heyəti gücləndirmək istiqamətində növbəti addımı atıb.

Komanda bu dəfə Aqil Nəbiyevin keçidini rəsmən həll edib. Tovuz futbol məktəbinin yetirməsi olan 31 yaşlı müdafiəçi ilə 1 illik rəsmi sözləşmə imzalanıb. Karyerası ərzində "Turan" (1999-2002, 2003-2006), "Neftçi” (2002-2003), AZAL (2006-2013) və son olaraq "Bakı”nın (2013-cü il yanvardan avqusta qədər) şərəfini qorumuş təcrübəli futbolçu həm də Azərbaycan milli komandasının heyətində 8 oyun keçirib. Milli formada son oyunu 16 oktybar 2012-ci il tarixdə Rusiya ilə qarşılaşmaya (0:1) təsadüf edir.
 


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43