"Komandalar çox yüksək səviyyədə çıxış etdi. Futbolçularım sonadək əla oyun nümayiş etdirdi. Oyunçular barədə ayrı-ayrılıqda fikir bildirmək istəmirəm".
İdmanxeber.com-un məlumatına görə, bu sözləri "Qəbələ" – "Qarabağ" (2:0) matçından sonra keçirilmiş mətbuat konfransında "qırmızı-qaralar"ın baş məşqçisi Roman Qriqorçuk deyib.
O, azarkeşlərə də öz təşəkkürünü bildirib:
"Onlardan çox razı qaldım. Qələbəmizdə azarkeşlərin rolu böyük idi. İstərdim ki, həmişə belə azarkeşlər oyunlarımıza gəlsin. Hər oyunda hakimlik belə olsa, çempionatın səviyyəsi yüksələcək".