“Əl-Nəsr” və Portuqaliya millisinin hücumçusu Kriştiano Ronaldo 2026-cı ildə keçiriləcək dünya çempionatında oynamağa hazırlaşır.
İdmanxeber.az-ın məlumatına görə, 39 yaşlı futbolçu ən yüksək səviyyədə çıxışını davam etdirmək və bununla da növbəti dünya çempionatında forma geyinmək niyyətindədir. 2026-cı ildə baş tutacaq DÇ ABŞ, Kanada və Meksikada keçiriləcək.
İyunun 14-də Almaniyada start götürən Avro-2024-də Portuqaliya millisi Çexiya, Türkiyə və Gürcüstan komandaları ilə eyni qrupda mübarizə aparır.
Ronaldonun komandası Avro-2024-ün açılış matçını iyunun 18-də Çexiyaya qarşı keçirəcək.