UEFA-nın Krımdakı üç futbol komandasının Rusiya Futbol İttifaqı tərəfindən təşkil edilən matçlarda iştirak etməsinə qadağa qoyması Rusiya Federasiyasının İdman naziri Vitaliy Mutkonun kəskin etirazına səbəb olub.
İdmanxeber.com-un məlumatına görə, Mutko, UEFA-nın qərarının futbolun xeyrinə olmadığını söyləyərək bildiribki:
"Bu komandalar nə etsin? Nə Ukraynada, nə də Rusiyada oynaya bilirlər. Yaxşı indi azarkeşlər və futbolçular nə edəcək? UEFA-nın bu qərarı peşəkar futbolu öldürür."
Qeyd edək ki UEFA, Krımdakı üç komandanın 1 yanvar 2015-ci il tarixindən etibarən Rusiya Futbol İttifaqı tərəfindən təşkil edilən futbol təşkilatlarında yer almasını qadağan edib.