“Sabah” heyətini yeni futbolçuyla gücləndirib.
Bu haqda klubun saytı məlumat yayıb. Ukraynalı müdafiəçi Zurab Oçiqavla mövsümün sonuna kimi müqavilə bağlanıb.
25 yaşlı Zurab peşəkar karyerası ərzində Ukraynanın “İlyiçevets” (2014-15), “Dinamo-2” (Kiyev, 2015-16), “Dinamo” (Kiyev, 2016-17), “Olimpik” (Donetsk, 2017-18), “Dnepr-1” (2018-19), “Vorskla” (2019-20) və Estoniyanın “Levadiya” (2020) klublarında çıxış edib. Oçiqava Ukrayna U-21 millisinin üzvü olub.
Yeni transfer “Sabah”da 3 nömrəli formada çıxış edəcək.