Kateqoriyasız

Şahin Diniyev: “Kirayə pulunu vaxtında verirdi deyə, həmin qadından şübhələnməmişdim”

“Bəli, kirayə verdiyim mənzilin əşyaları icazəm olmadan satılıb”.

Bu barədə oxu.az-a AFFA Məşqçilər Komitəsinin üzvü Şahin Diniyev bildirib. Azərbaycan millisinin sabiq baş məşqçisinin Bakıxanov qəsəbəsində kirayəyə verdiyi mənzilin əşyalarını kirayə qalan qadın və onun tanışı elan saytına yerləşdirərək satıb. Həmin iki şəxsi Sabunçu rayon polis idarəsinin əməkdaşları saxlayıb.

“Hazırda onlar barəsində istintaq gedir. Təxminən 15 gündür ki tutulublar. Mənə qohum deyillər, tamam başqa, kənar adama kirayəyə vermişdim. Pulu vaxtı-vaxtında verirdilər deyə, şübhələndiyim bir məqam yox idi. Sadəcə olaraq, bu hadisə bir neçə günün içərisində olub”, – deyə Şahin Diniyev bildirib.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43