2018/2019 mövsümündə “Sumqayıt”ın əsas komandasına rəhbərlik edəcək Nazim Süleymanovun daha bir köməkçisi müəyyənləşib.
İdmanxeber.com-un klubun rəsmi saytına istinadən yaydığı xəbərə görə, Samir Ələkbərov baş məşqçinin köməkçisi vəzifəsini yerinə yetirəcək.
Qeyd edək ki, 2004-2005-ci illərdə “Neftçi”, 2006-2008-ci illər ərzində isə “Xəzər Lənkəran”da köməkçi məşqçi olmuş Samir Ələkbərovun sonuncu iş yeri 21 yaşadək futbolçulardan ibarət milli komandamız olub.