21 yaşlılardan ibarət milli komandamızın sabiq üzvü Samir Məsimovun yeni klubu rəsmən bəlli olub.
İdmanxeber.com-un məlumatına görə, gənc yarımmüdafiəçi karyerasını Rusiyada davam etdirəcək. Belə ki, Məsimov bir müddətdir baxışda olduğu Voronejin “Fakel” klubu ilə münasibətləri rəsmiləşdirib. I Divizion təmsilçisinin rəsmi saytından verilən məlumata görə 22 yaşlı futbolçu ilə müqavilə imzalanıb.
Qeyd edək ki, Samir Məsimovun son komandası ötən mövsüm Premyer Liqanı tərk edən AZAL olub.