“Səbail”in yarımmüdafiəçisi Ayrton Statyenin formasını geyindiyi Kurasao yığması yoldaşlıq görüşündə qüvvəsini sınayıb.
İdmanxeber.com-un məlumatına görə, komanda səhər saatlarında Boliviya ilə qarşılaşıb. Oyun Kurasaonun 1:0 hesablı qələbəsi ilə nəticələnib. Yeganə qola 54-cü dəqiqədə “Ridinq”də çıxış edən Leandro Bakuna imza atıb. Start heyətində meydana çıxan Statye 88 dəqiqə komandasına kömək edib. Yalnız son dəqiqələrdə baş məşqçi onu Çarlton Visento ilə əvəzləyib.