29 Yanvar 2020
Kateqoriyasız

Şehiçin “Qarabağ”a dönmək variantı yarandı

“Qarabağ”ın sabiq qapıçısı İbrahim Şehiçin Türkiyənin “Ərzurumspor” klubundan ayrılacağı dəqiqləşib.

Aşağı liqada oynamaq istəməyən bosniya və herseqovinalı qolkiperin bir neçə təklifi var. Son xəbərlərə görə, təcrübəli qapıçının xidmətində Səudiyyə Ərəbistanının “Əl-Əhli” klubu maraqlıdı. Ərəblər yaxşı maliyyə şərtləri təklif edir və bu keçiddə hazırda liderdilər. Digər tərəfdən “Əl-Əhli”də Şehiçin daha iki həmyerlisi – Ervin Zukanoviç və Elvis Sariç də çıxış edir.

30 yaşlı qapıçının daha bir variantı var. Bizdə olan məlumata görə, “Qarabağ” onu geri qaytarmaq istəyir. Hazırda tərəflər arasında danışıqlar davam edir. Şehiç qərar verməlidi: yaxşı maliyyə şərtləri təklif edən “Əl-Əhli” və ya karyerası baxımından daha uğurlu seçim olacaq “Qarabağ”.

Oxşar xəbərlər

Azərbaycan UEFA reytinqində iki pillə irəliləyə bilər – “Qarabağ” udsa

admin

Bəhlul Mustafazadə məşhur klubların hədəfində

admin

Premyer Liqamızda mövsümün məhsuldarlıq rekordu

admin