Premyer Liqanın XII turunda “İnter” səfərdə “Qəbələ”nin (1:1) qonağı olub.
İdmanxeber.com-un məlumatına görə, “İnter”in qapıçısı Səlahət Ağayev oyunsonrası jurnalistlərin suallarını cavablandırıb.verib.
– Oyun haqqında fikirlərini bilmək istərdik.
– Həmişə “Qəbələ”ylə oyunlarımız çətin keçir. Bu durumda onlardan 1 xal almağımız normaldı, məncə. Yaxşı oynadıq, 1 xala layiq idik.
– Oyunda azarkeşlərlə aranda gərginlik yaşandı. Bunun səbəbi nə idi?
– Azarkeşlər məni təhqir edirdilər, nalayiq ifadələr işlədirdilər. Biz də istəyirik ki, əməyimizə hörmət qoysunlar. Ona görə çevrilib onlara iradımı bildirdim. Mən də azərbaycanlıyam. Əgər futbolumuzu fikirləşirlərsə, belə etməsinlər.
– Komandada maliyyə durumu nə yerdədi? İrəliləyiş var?
– Vəziyyət əvvəlki kimi deyil. Hər şey bildiyiniz kimidir. Büdcəmiz aşağıdır.
– Bu vəziyyət nə vaxta kimi davam edəcək?
– Bu bizim işimiz deyil. Biz müqavilə ilə oynayan futbolçularıq. Meydana çıxıb öz işimizi görürük. Yanvara qədər gözləyəcəyik.
– Komanda 3 oyundu ki, qalib gələ bilmir.
– Biz bu vəziyyətdə 3 oyundu uduzmuruqsa, qəhrəmanıq.
– Klub prezidenti Georgi Nikolov açıqlamasında bildirdi ki, sentyabrın maaşı verilib. Oktyabrın pulları da ən qısa zamanda ödəniləcək.
– Hələ ki, bir xəbər yoxdu. Biz bir prezident kimi Georgi Nikolovdan dəstək görmürük. Bilirik ki, Beynəlxalq Bank maliyyələşdirir. Sağ olsunlar.
– Bəzi komanda yoldaşların bildirib ki, yanvarda sərfəli təklif gəlsə, komandadan gedəcəklər. Bəs sən nə fikirləşirsən?
– Mövsümün əvvəlində mənə təkliflər oldu. Ancaq mən “İnter” yetirməsi kimi, klubumu tərk etmədim. Kimsə getsə belə, heç kim onu qınaya bilməz.
– Ümumiyyətlə, komanda şəklində bu duruma hər hansı bir narazılığınızı bildirmisiz?
– Komanda şəklində toplantılarımız çox olub. Lakin bir adam yoxdu ki, gedək, ona etirazımızı bildirək.
– Komanda yoldaşların bildirmişdilər ki, maaşlar ödənməsə, bu oyuna çıxmayacaqsız, qərarınızı nə dəyişdirdi?
– Maaşımızı gec də olsa, aldıq. Həmişə 30 günün tamamında verilirdi pul. Bu dəfə gecikdi, 50 gün sonra aldıq.