Azərbaycan çempionatının 1-ci divizionunda mübarizə aparan “Şəmkir” klubu çempionatda yaranmış fasilədən maksimum istifadə etməyə çalışır.
İdmanxeber.com-un məlumatına görə, bu məqsədlə Şəmkirin eyni adlı klubu Türkiyənin Antalya şəhərində təlim-məşq toplanışı keçirir. “Ağ-qırmızılar” toplanış çərçivəsində bir neçə yoldaşlıq görüşü də oynayacaq. Hələlik “Şəmkir”in rəqiblərindən Qazaxstanın “Altay”, Almaniyanın “Viktorya” klublarının adı məlumdur.
“Şəmkir” Antalyada təlim-məşq toplanışının 3-cü günündə də hazırlıqlarını davam etdirib. Komanda bu gün bir məşqlə kifayətlənib. 1 saata yaxın davam edən məşq fiziki və toplu çalışmalara həsr olunub.
“Şəmkir”in futbolçuları daha sonra kross qaçış və topla müxtəlif hərəkətləri yerinə yetiriblər. Günün ilk məşqi əsasən fiziki hazırlıqdan ibarət olub.