“Çox çətin oyun oldu. İlk hissədə yaxşı oynasaq da, ikinci hissədə bunu bacarmadıq”.
İdmanxeber.com-un məlumatına görə, bu sözlər Moldovanın “Şerif” klubunun baş məşqçisio Roberto Bordinə məxsusdur.
Tiraspol təmsilçisi Çempionlar Liqasının III təsnifat mərhələsinin ilk oyunları çərçivəsində səfərdə “Qarabağ”la qolsuz heç-heçə edib.
Oyundan sonra baş tutan mətbuat konfransında iştirak edən italiyalı mütəxəssis fikirlərini bildirib: “İkinci hissədə “Qarabağ” bizi qapımıza sıxmışdı. Dünən də belə bir oyun olacağını demişdim. Azarkeşlərin təzyiqi nəticəsində oyun bizim üçün daha çətin oldu. Ancaq bundan daha yaxşı oynaya bilərdik”.
– Necə düşünürsünüz, növbəti mərhələyə adlamaq şansınız var?
– “Qarabağ”ın topla yaxşı oynadığını bilirdik. Buna görə də cinahları bağlamışdıq. Bizim əsas məqsədimiz əks-hücumda oynamaq idi. Səfərdə oynadığımız üçün bundan başa oyun sərgiləyə bilməzdik.
– Əks-hücumda oynadığınızı desəniz də, “Qarabağ”ın qapısına dəqiq zərbə vura bilmədiniz…
– Düşünürəm ki, “Qarabağ”ın qapısında təhlükəli epziodlar yaratmağı bacardıq. Amma ikinci hissədə hücum edə bilmədik və bunu normal qarşılayıram. Çünki rəqib cinahlardan hücumlar etməyə başlamışdı. Buna görə də müdafiə olunmalı idik.