Ötən həftəsonu La Liqada “Alaves”lə görüşü də buraxan “Sevilya”nın üzvü Nolito Bakıya gətirilməyəcək.
İdmanxeber.az-ın məlumatına görə, İspaniya millisinin də şərəfini qoruyan forvard zədə səbəbindən “Qarabağ”la oyunda meydana çıxa bilməyəcək. “Real”la keçiriləcək oyunu da nəzərə alan Əndəlüs klubunun baş məşqçisi Lopeteqi oyunçusuna tamam sağalmaq imkanı yaradıb.
Əlavə olaraq İspaniya klubunda Lukas Okampos cəza səbəbindən Ağdam klubu ilə görüşdə forma geyinə bilməyəcək.
Qeyd edək ki, “Qarabağ” – “Sevilya” oyunu sentyabrın 19-da Tofiq Bəhramov adına Respublika Stadionunda keçiriləcək. Görüş saat 20:55-də başlayacaq.