Azərbaycanlı futbolçu Ramil Şeydayevin çıxış etdiyi “Trabzonspor” daha bir yoxlama matçı keçirib.
İdmanxeber.com-un məlumatına görə, rəqib Macarıstanın “Gyirmot” klubu olub.
Qarşılaşma “bordo-mavililər”in 2:0 hesablı qələbəsi ilə nəticələnib. Türklərin qollarına 28-ci dəqiqədə Yusuf Ərdoğan və 79-cu dəqiqədə Yusuf Yazıcı imza atıblar.
Həmyerlimiz Şeydayev son 25 dəqiqəni meydanda keçirib. Belə ki, o, 65-ci dəqiqədə digər yeni transfer Kastilyonu əvəz edib.
Qeyd edək ki, Ramil Şeydayev “Trabzonspor”un heyətində yoxlama görüşlərində 2 qol vurub.