DÇ-2018-in seçmə mərhələsində millimizlə qarşılaşacaq Şimali İrlandiya yığmasının heyətində itki var.
Komandanın əsas hücumçularından olan Ceymi Uord zədə səbəbindən millimizlə görüşdə iştirak etməyəcək. İngiltərə Çempionşipində çıxış edən “Nottingem Forest” klubunun 31 yaşlı forvardı mövsümün son oyununda zədələnib.
Komandanın digər hücumçusu Konor Vaşinqton toyu ilə əlaqədar millimizlə görüşü buraxacaq.
Azərbaycan – Şimali İrlandiya oyunu iyunun 10-da Tofiq Bəhramov adına Respublika stadionunda keçiriləcək.