Ölkə futbolu

“Simurq”un zədəliləri qayıtdı

Topaz Premyer Liqasının VII turunda "Sumqayıt"ı qonaq etməyə hazırlaşan "Simurq", artıq çalışmaları bitirmək üzrədir.

İdmanxeber.com-un məlumatına görə, bu gün növbəti məşqinə çıxan "sarı-qaralar"ın heyətində yalnız Murad Səttarlı komandadan ayrı çalışıb. Dizindən əməliyyat olunan və hələ də Zaqatala təmsilçisinin formasını geyinə bilməyən Vüqar Mustafayev artıq tam hazırdır. Yüksək temperatur səbəbindən ötən tur "Qarabağ"la görüşdə meydana çıxa bilməyən İlkin Qırtımov da, "Sumqayıt"la oyunun hazırlıqlarında iştirak edir.

Bu gün Georgi Çixradzenin yetirmələri sonuncu məşqinə çıxacaq. Bundan sonra istirahətə çəkiləcək komanda, qarşılaşmanın başlama vaxtını gözləyəcək.

 


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43