01 Oktyabr 2020
Ölkə futbolu

SON DƏQİQƏ: Mustafa Dənizli gedir, Mirça Rednik gəlir

2013/14 mövsümündə uğurlu nəticə qazana bilməyən “Xəzər Lənkəran” yay fasiləsində baş məşqçi postunda dəyişiklik edə bilər. 

İdmanxeber.com apasport.az-a istinadən xəbər verir ki, buna komandanın türkiyəli çalışdırıcısı Mustafa Dənizlinin klubu tərk etməkdə israrlı olmasıdır.

Belə ki, “Xəzər Lənkəran”ın 10 illik yubileyində avrokuboklara vəsiqə qazana bilməməyindən sonra türkiyəli mütəxəssis istefa vermək qərarına gəlib. Klub rəhbərliyi tanınmış məşqçini postunda saxlamaq niyyətində olsa da, bu gedişlə Dənizlini yola gətirmək mümkün olmayacaq.

Mütəxəssis ən yaxşı halda, mövsümü yola verməyə, son 4 turdan sonra vətəninə qayıtmağa razılaşıb.  

Rumıniyalı mütəxəssis Mirça Rednikin klubdan ayrılmasından sonra titul qazana bilməyən “Xəzər Lənkəran” rəhbərliyi də Dənizlinin gedəcəyi ilə barışmaq məcburiyyətində qalıb.

Belə olan halda, cənublular məhz Redniki qaytaracağı gözlənilir. Dəfələrlə kluba qayıtmağa hazır olduğunu bəyan edən Redniklə danışıqlara başlanılması zərurəti yaranıb. Neçə vaxtdır azarkeşlərin də geri dönməsini istədiyi rumıniyalının artıq mayın sonlarında Azərbaycana gəlib müqavilə imzalayacağı gözlənilir.

Qeyd edək ki, Rednik 2010-11-ci illərdə “Xəzər Lənkəran”ı çalışdırıb və bu komanda ilə Azərbaycan kubokunun qalibi olub. 


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Oxşar xəbərlər

“İnter” üçün Hollandiya klubu – ÖZƏL

admin

Azərbaycanlı hakim Bolqarıstan – Sloveniya matçına təyinat aldı

admin

Ramin Musayev “Neftçi” və “Xəzər Lənkəran”dan razı qalmadı

admin