Avropa Liqasının qrup mərhələsi çərçivəsində bugün səfərdə "Dnepr"lə qarşılaşacaq "Qarabağ" əsas futbolçularından biri Leroy Corcun xidmətindən yararlana biləcək.
İdmanxeber.com-a klubun mətbuat xidmətindən verilən məlumata görə, Bakıdakı son məşqdə Şehiçlə toqquşan hollandiyalı futbolçunun zədəsi ciddi deyil. Leroy Corc "Dnepr"lə oyunda Qurban Qurbanov şans verəcəyi təqdirdə meydana çıxa biləcək.
Yarımmüdafiəçi komandanın bugün səhərki məşqində də iştirak edib.
Qeyd edək ki, "Dnepr" – "Qarabağ" matçı Bakı vaxtı ilə saat 00:05-də keçiriləcək.