“Neftçi”nin yarımmüdafiəçisi Soni Mustivar “Keşlə” üzərində qələbəni klubun rəsmi saytı ilə bölüşüb. Komanda üzvlərinin sonadək mübarizə apardığını deyən haitili futbolçu bu qələbənin mənəvi cəhətdən də önəmli olduğunu dilə gətirib:
“Çox çətin oyun oldu. Ona görə ki, həm “Keşlə” güclü rəqibdir, həm də süni meydançada oynayırdıq. Komandamız çox yaxşı çıxış etdi. Hər bir futbolçumuz sonadək döyüşdü. Onları təbrik edirəm. Bu tempdə də davam etməliyik. Bu qələbə mənəvi cəhətdən də çox önəmli idi. Azarkeşlərə minnətdaram. Onlar həmişəki kimi bizi sonadək dəstəklədilər”