Türkiyənin Bolu bölgəsində təlim-məşq toplanışını davam etdirən “Sumqayıt” növbəti yoxlama oyununu keçirib.
İdmanxeber.com-un məlumatına görə, Samir Abasovun rəhbərlik etdiyi komanda Gürcüstanın Kutaisi “Torpedo”su ilə üz-üzə gəlib.
Qarşılaşma 1:1 hesablı heç-heçə ilə yekunlaşıb. Sumqayıtlıların yeganə qolunu hazırda düşərgədə baxışda olan cənubi azərbaycanlı futbolçu vurub.
Qeyd edək ki, “Sumqayıt” Bolu da son yoxlama oyununu iyulun 25-də keçirəcək.