“Sürix”in futbolçusu Blerim Cemayli “Qarabağ”a qarşı keçirəcəkləri UEFA Çempionlar Liqasının II təsnifat mərhələsinin cavab oyununu buraxa bilər.
İdmanxeber.az-ın məlumatına görə, oyunçunun İsveçrə çempionatının II turunda “Lütsern”lə qolsuz heç-heçə etdikləri oyundan sonra əzələsində problem aşkarlanıb. 36 yaşlı yarımmüdafiəçinin durumunun tibbi müayinədən sonra bəlli olacağı bildirilir.
İyulun 27-də “Letsiqrund” stadionunda keçiriləcək qarşılaşma Bakı vaxtı ilə saat 21:00-da start götürəcək. İlk matçda Azərbaycan təmsilçisi 3:2 hesabı ilə qalib gəlib.